Sumarbústaður

Lyngholt er fimmtíu fermetrar að stærð, með öllum helstu þægindum. Svefnpláss er fyrir sjö til átta manns, tvo í hjónarúmi, þrjá í kojum og tvo til þrjá í sófum í stofu. Fimm sængur og koddar eru á staðnum en gestir þurfa að hafa með sér rúmföt. Í húsinu er að sjálfsögðu rafmagn ásamt heitu og köldu vatni.
Eldhús:

Eldhús

Eldhúsið hefur nýlega verið tekið í gegn og er þar nú eldavél með bakaraofni, uppþvottavél og rúmgóður ískápur með frystihólfi. Öll helstu borðáhöld eru til staðar, diskar, glös, hnífapör o.s.frv., en gestir þurfa að taka með sér borðtuskur, viskastykki, eldhúsbréf og salernisrúllur.

Stofa

Í stofu er sjónvarp með DVD-spilara ásamt útvarpi með geislaspilara. Í borðstofu eru stólar fyrir sex manns.